PICCIOTTI MEI

Chistu è lu mei diri oh mei picciotti
la vita è bella e tinta è la morti.
Picciotti siddu ancora 'un lu capiti
la vita e vostra e 'un la rialati
a festa è bella siddu vui ci siti

lu munnu 'un volo no figghi viziati.

Chistu è lu mei diri oh mei picciotti
la vita è bella e tinta è la morti.
Attenti a sira dunn’è chi pigghiati
cu amici zoppi no 'un vi junciti

sinnò araciu araciu si 'un lu sapiti
prima ca scadi l’annu zuppìchiati

Chistu è lu mei diri oh mei picciotti

la vita e bella e tinta è la morti.

Strati e vaneddi si 'un canusciti

stativi arrassu sinnò vi 'ntaccati

ma si cu pruli e droga traficati

nesciri 'un è facili criditi.

Chistu è lu mei diri oh mei picciotti
la vita è bella e tinta è la morti

Chistu è lu mei diri oh mei picciotti
la vita è bella e tinta è la morti.