LU SUNNUZZU

Spissu ti tegnu 'nta sti vrazza,
cu' tantu amuri ti taliu l’ucchiuzzi,
quannu cu li pugnidda ti li strichi tutti,
t’accostu a lu me pettu,
ti cantu la ninna nanna, e t'addumisci.

Sonnu di pucci è chiddu ca facisti
'na minzuredda e po' t’arrusigghiasti,
taliasti 'nfacci a cui t’addummisciu
rassirinata vidennu ca eru iu.

Pigghiannu sonnu fai un gran suspiru,
signali ca tu dormi 'nsonnu chinu,
rallentu araciu araciu d’annacari,
t’aliannuti 'nfacci e di prufilu.
Mi pari d’aviri addummisciutu lu Bamminu

Sonnu di pucci è chiddu ca facisti
'na minzuredda e po' t’arrusigghiasti,
taliasti 'nfacci a cui t’addummisciu
rassirinata vidennu ca eru iu.