A PORTO EMPEDOCLE

Signore e signuri mi presentu…
sugnu Alfonso Gagliardo
e di tutti li storii ni fazzu un cantu,
natu e pasciutu vicinu Agrigentu
no' paisi di Porto Empedocle
e di chistu mi vantu.
Nun e'di mia ca' vi vogliu parlari
ma… propriamenti
du nomu di stu me paisi,
ca' pi faricci la rima mi squaglio'
quasi quasi un misi.
Un tempu assai luntanu…
a' Marina lu vosiru chiamari
e… ancora oji tuttu 'u munnu
ni continua a parlari.
Lu portu di Agrigentu... ci pruvaru macari,
ma a qualcunu un ci piaciu,
e dintra un circulu di genti bona e arrinisciuta
cu' nomu " Porto Empedocle"
allura fu ricanusciuta.
Quannu era picciliddu…
a scinnuta da Catina
pi' a rrivari a la Marina,
passavanu i carretti di surfaru
e sali chini tutti li matini.
Tanti voti ci jucavamu appuiati pi d'arreri
scantati di colpi di zotta du carritteri,
mentri ci cantavamu pi scherzu a litania...
"a scinnuta da catina sciddrico' na'
signurina…" e così... via…via.
Quannu scinnu cu' l'amici
a farimi 'na passiata 'nmezzu 'a marina,
arrivu fino o' molu
e passu da turri di Carlo V°
... criditimi,
di tanta genti chi 'ncontru e viu,
e di quantu fimmini beddri,
dopu stu gran passiu
tornu a casa cunfusu e macari ci sentu priu.
Portu Empedocle e' lu me paisi
e ni sugnu cuntentu
e… si c'e'qualcunu ca' su scorda ogni tantu..
vinissi a Marina senza scantu
ca' l'aspetta san Calo' 'u nostru santu,
accussi' nivuru e beddru
curri lestu lestu 'n mezzu li strati…
pi cogliri pani
pi li so poviri dispirati

E tutti 'nzemmula bbanniamu,
quannu c'è la gran festa so',
"e chi ficimu ni lu scurdamu? "
Viva Porto Empedocle e viva san Calo'!!!!
... e finennu sta puisia
Alfonso Gagliardo saluta tutta la cumpagnia.