Lu sai quannu ca ju t'hai'a lassari
ju staju finènnu l'ògghiu d'a me' lampa
pi' ttèniri addumata la to' vampa
picchì lu munnu 'n ti pozza scurdari

'Na rrosa d'oru e 'na balata bianca
cummogghianu li carni to' di ggèlu
ma l'àrma to' ca mi talìa di 'n cèlu
sàpi  ca lu me' amuri nun ti manca

sàpi ca li to' amici cchiù sinceri
ca t'ajutaru a spinciri la cruci
ti portanu 'ntr'o còri com'aèri

cu lu rricordu to', ch'è sempri duci!

Lu sai quannu ca ju t'hai'a lassari
ju staju finènnu l'ògghiu d'a me' lampa
pi' ttèniri addumata la to' vampa
picchì lu munnu 'n ti pozza scurdari

Tu sai ca li to' amici cchiù sinceri

ti portanu 'ntr'o còri com'aèri

quannu vulèmu ti sintemu arrèri,
ch' a tutt'u munnu rresta la to' vuci