Beddra Matri di lu Cummèntu 

Bèddra Matri
di lu Cummèntu
ascùta tantìcchia
lu ma tristi lamientu.
Stàncu mi sièntu,
nun truòvu chjiù paci,
nun n'ajiu furmièntu
e nun mi sèrbi la faci.
Bèddra Matri
stàmmi a sintìri
sugnu n'arma
ca nun voli patìri,
fammìlla tu
la grazia stasìra,
nun vuogliu ricchizzi
ma stu cori abbrivìra.
Bèddra Matri
cuomu a mia
ma marìtu j'è luntanu
e st 'armùzza pinìa...
vi vasu lu mantu
e v'impluoru na grazia,
ca ma maritu rituòrni
e lu ma cori si sàzia.
Bèddra Matri
di lu Cummèntu
sta nuttata j'è sirena
nun c'è na stizza di
vientu..
fora c'è scuru
ncielu li stiddri..
ma nun truovu mangiari
pi li ma picciliddri.
Bèddra Matri
stàmmi a sintìri
sugnu n'arma
ca nun voli patìri,
fammìlla tu
la grazia stasìra,
nun vuogliu ricchizzi
ma stu cori abbrivìra.
Bèddra Matri,
ca tanti grazi
facisti
addrùviglia stu cori
ca nun batti
ed ji'è tristi..
nun vuògliu palazza
né chiusi o dinari,
ma nsignàmi sulu
a viniri a l'Artari.
Bèddra Matri,
vuògliu lu giuru,
sulu tècchia di luci
ni st’ uòcchji a lu scùru,
sempri ogni annu
puortu furmièntu,
ma ni la porta nun tràsu
di lu viècchjiu
Cummèntu.
Bèddra Matri
stàmmi a sintìri
sugnu n'arma
ca nun voli patìri,
fammìlla tu
la grazia stasìra,
nun vuogliu ricchizzi
ma stu cori abbrivìra.
Beddra Matri
sugnu cuntentu
di la porta trasìvu
di lu viècchjiu Cummèntu
ti purtavu na rosa
acchjiànavu a l’àrtari
ni li to uòcchi celesti
ora mi vuògliu abbijiàri.
Bèddra Matri
stàmmi a sintìri
sugnu n'arma
ca nun voli patìri,
fammìlla tu
la grazia stasìra,
nun vuogliu ricchizzi
ma stu cori abbrivìra.
Bèddra Matri
stàmmi a sintìri
sugnu n'arma
ca nun voli patìri,
fammìlla tu
la grazia stasìra,
nun vuogliu ricchizzi
ma stu cori abbrivìra

a