QUANNU AVEVA LU CARRETTU
Cc"u cavaddu e lu carrettu!, 
li basetti a quadarara, (1)
picciutteddu, ancora schettu, 
mi ni jeva a la Pidara.
Ppi lu pani vadagnari 
ogni strata e ogni vanedda 
mi minteva a vanniari: 
"Favi, ciciri e buzzedda” !
Cuppulidda siciliana, 
a vilanza ccu li pisi, 
tutti 'i j orna d"a simana 
fimmineddi attorrnu misi.
'Nta la strata d"u stazzuni (2)
scartiava forti 'a zzotta 
ca, affacciata a lu balcuni, 
m'aspittava 'na picciotta.
Ccu 'n surrisu ca 'ncantava 
e l'ucchiuzzi ammaliaturi; 
'n vasuneddu ci mannava, 
ci diceva: " Scinni amuri! '
Li so baci appassiunati 
e li duci so' palori 
mi ristaru 'ntrinsicati 
'nta lu funnu di lu cori.
E si spunna lu me pettu 
ricurdannu 'a giuvintù, 
lu cavaddu e lu carrettu 
ca ormai non ci su' chiù.
Nta 'dda strata d"u stazzuni
non s'affaccia 'dda picciotta, 
ristò mutu lu balcuni, 
non si senti 'n corpu 'i zzotta. 
1) alla quadarara: tipo di basette caratteristiche

dei carrettieri,che si allargano fin sopra gli zigomi