SICILIA BEDDA

Sicilia beddra terra d'onuri e di duluri
sicca e brusciata di lu suli,
ma tutta circuntata di lu mari.
La genti ca di tia a fattu sparlari
ppi tuttu chiddru ca di la Sicilia si sta a diri.
Sti politici ca nni stannu a guvirnari,
ca quannu ie timpu di votazioni
tutti cu paroli dunci stannu a pridicari
ppi sta Sicilia putiri cambiari.
Ma quannu arrivanu a lu putiri
ognunu pensa ppi li so profitti
e di mia e di tia sinni futtinu.
E iu stancu di sentiri fatti promessi e paroli
di sta Sicilia mi nni vonsi iri.
Ma nni l'estati tuttu stu suli
e a primavera stu iardìnu 'nsciuri
mi viniva a mancari
e appena potti ìu cca vonzi turnari.
Sicilia beddra, terra anchi di l'amuri.