VAJU
Scuotiti ti riceva, susit'e camina
sta lingua nuostra antica e puvuredda
ntrà suonu e litania, cutulii e spasimi
arsa rì siti, curta ri sillabi, 
du bbi cuomu bbaciuzzi,
tri ttti cuomu a tttia, 
paroli suspisi all'aria cavura
chi risuona vacanti e pizzica cuordi ri viulinu
cuomu risacca ntè grutti o acqua ntò vadduni
quannu rici ahhh mi fa risagghiari, quanti acchi!
Tremu, oddiu chi m'avaddiri, isu l'uocchi e taciu
u sientu u tò suspiru e ti rispunnnu c'ù sapia già
i labbra un si muvianu, mi taliasti e mi parsi
n'alitu ri sciatu na paruola, t'abbrazzavu.
Chi m'ha ddiri na sta lingua ruci e canterina
paroli sicchi,a stanza vacanti, sulu, taliava
l'uocchi aperti cuomm'a ddìrì.. vaju 

                                                                    .