LA VUCI DI ROSA 
Cataldo Caramana

La vuci di Rosa è comu la peddri ca vesti la vita
e comu un lamentu pi na grossa ferita.
La vuci di Rosa 'nnesci di la terra travagliata
pigliata ccu la manu caddrusa e sudata.
La vuci di Rosa è di culuri chiaru ca a pocu 
a pocu diventa comu un luci russu 'nfucatu.
La vuci di Rosa è dunci comu lu meli,
è amara comu lu feli.
Iddra canta la vita, la gioia, la sofferenza e la morti di tanti cosi dritti e di tanti cosi storti.
Rosa canta la vita di la povira genti
ca spessu di mangiari nunn'avi nenti
Rosa canta la Sicilia e la sò genti
disprezza la mafia e li so appartenenti
E' la vuci di li carusi intra li pirreri 
mentri carriavanu surfaru cu lu stirraturi. 
La so vuci è comu la terra ca duna li so frutti 
è comu lu mari 'ntempesta cu li so flutti. 
La so vuci è comu na spata taglienti 
ca taglia carni e ossa senza taliari nenti. 
Lu so cantu iè liberu comu l'aceddri 
ca volanu antu taliannu anchi li cosi beddri 
Viva Rosa e la so vuci.

LA VOCE DI ROSA

La voce di Rosa è come la pelle che veste la vita
è come un lamento per una grossa ferita.
La voce di Rosa esce dalla terra lavorata
presa con la mano callosa e sudata.
La voce di Rosa è di colore chiaro 
che a poco a poco diventa come un fuoco rosso infuocato.
La voce di Rosa è dolce come il miele,
è amara come il fiele.
Ella canta la vita, la gioia, la sofferenza e la morte di tante cose diritte e di tante cose storte.
Rosa canta la vita della povera gente
che spesso di mangiare non ha niente.
Rosa canta la Sicilia e la sua gente
disprezza la mafia e i suoi sodali.
E' la voce dei ragazzi dentro le miniere
mentre portavano lo zolfo con il cesto.
La sua voce è come la terra che da i suoi frutti
è come il mare in tempesta con i suoi flutti.
La sua voce è come una spada tagliente
che taglia carne e ossa senza guardare niente.
Il suo canto è libero come gli uccelli
che volano in alto guardando anche le cose belle.  
Viva Rosa e la sua voce.