OGNUNU PORTA LA  SO BANNERA

Si sentinu sunari li campani,

rintocchi dì spiranza e d’allegria;

avvisanu e richiamanu cristiani,

l’amanti tutti di la puisia.

Si senti 'ssu rintoccu di luntanu;

ognunu chi lu senti s’avvicina,

si grapi a la spiranza ogni cristianu,

si forma 'na ciumara chi camina.

Ognunu porta ddà la so bannera,

qualunqui sia la forma e lu coluri.

Ognunu si rallegra e nun dispera

canusciri poeti forti e puri.

'Na stidda di lu celu li talìa,
c’illumina la strata e li cunsigghia,

lu cori ci lu grapi e lu quarìa,
li spinci, li 'ncuraggia, l’arruspigghia.

OGNUNO PORTA IL SUO VESSILLO

Si sentono suonare le campane,

rintocchi di speranza e d’allegria;

avvisano e richiamano le persone

appassionate della poesia.

Quel rintocco si sente da lontano;

ognuno che lo sente s’avvicina,

si apre alla speranza ogni persona,

si forma un fiume di gente che cammina.

Ognuno porta il suo vessillo,

qualunque sia la forma ed il colore.

Ognuno si rallegra e non dispera

di conoscere poeti validi e sinceri.

Dal cielo una stella li guarda,

illumina la strada e li consiglia,

apre il loro cuore e lo riscalda,

li spinge, l’incoraggia, li risveglia.