A MME FIGLIA LAURA
Stasira taliu i to decianni
e li compagni to
jocanu ntunnu,
t'arridunu l'occhi
scartannu li rigala
e sì cuntenta
c'arriva stu jornu.
Mi sentu
tutti li carni affriuti
'na palummedda
vulari ti viu
quasi cu a gutta
e li spaddi arrunghiati
e pi tanticchia
tornu nicu iu.
Sulu,
assittatu nda 'na gnuniata
mi nni gluriu
ti viu cresciuta
nun mi sazziu
di taliari a ttia
c'appicca, appicca t'alluntani di mia.
Vulissi aviri la vista mpannata
pi nun ti vidimi
suffriri nni la vita
caminari puru ngnutticatu
si ti putissi dari sempre aiutu
sbattiri la testa
tra cuti di mari
lassariti già mamma
e iù muriri.

A MIA FIGLIA LAURA

Questa sera guardo i tuoi dieci anni
mentre i tuoi compagni
giocano attorno,
ti sorridono gli occhi
scartando i regali
e sei contenta
che sia arrivato questo giorno.
Mi sento
tutto in fibrillazione
come una colomba
ti vedo volare,
con il nodo in gola
e le spalle rientrate
per un pò
ritorno ragazzino anch'io.
Solo,
seduto in un angolo
mi inorgoglisco
vedendoti cresciuta
non mi sazio
mai di guardarti
che a poco, a poco ti allontani da me.
Vorrei avere la vista appannata
per non vederti
soffrire nella vita,
camminare pure piegato
se ti potessi dare sempre aiuto
sbattere la testa
tra i pietrami di mare
lasciarti già mamma
ed io morire.