GUARDANNU LA NATURA

Capaci 'un sugnu spiegari a palori
guardannu la Natura e li sò sceni
nciammari forti mi sentu lu cori
e di la vita mia lu tantu beni.

Jè mustrari vulennu 'sti tisori -
la maravigghia pri cu' 'nterra veni -
fazzu cu li mè versi un munumentu
d'ogni biddizza di 'stu firmamentu.

La luna luci comu fussi argentu
li stiddi, stiddi parpagghìanu distanti.

Quannu affaccia lu suli, oh chi purtentu!
la terra abbrazza e vasa comu amanti,
la terra abbrazza e vasa comu amanti.

Quantu biddizzi! Un ciciuliu sentu:
tanti acidduzzi cantanu fistanti, 
e 'ntra tanta armonia, ccà attornu viu,
la gran Natura chi dirigi Diu,
la gran Natura chi dirigi Diu.

GUARDANDO LA NATURA

Capace non sono di spiegare a parole
guardando la Natura e le sue scene
infiammare forte mi sento il cuore
e il tanto bene della mia vita

Debbo mostrare, volendo, questi tesori -
La meraviglia per chi in terra viene -
Faccio con i miei versi un monumento
Di ogni bellezza di questo firmamento.

La luna luccica come fosse argento
Le stelle, le stelle luccicano distanti.

Quando s'affaccia il sole, o che portento!
la terra abbraccia e bacia come un amante,
la terra abbraccia e bacia come un amante,

Quante bellezze! Sento un mormorio:
tanti uccellini cantano festanti,
e in mezzo a tanta armonia che intorno vedo,
la gran Natura che Dio dirige,
la gran Natura che Dio dirige.