MI PERDU 'NTA LU MARI

Mi perdu ‘nta lu mari e comu l'unni
chi tràsinu e chi nèscinu chiù fora,
li me' pinseri vannu e vennu ancora,
la cosa m'accarizza e mi cunfunni.

Ascutu, di sta danza, ogni palora,
la chiamu ed idda, quasi, mi rispunni
e tràstula m'ammutta versu un dunni
chi nun canusciu e ddocu mi ristora.

Mi perdu nta lu mari, nta dd'azzurru
chi m'arridduci nicu e supranìa
l'omu chi sugnu, debuli e mpirfettu!

E comu l'unna pigghiu forza e scurru,
diventa mari ‘nsina l'arma mia,
un mari 'n cerca di lu so risettu! 

Mi perdo nel mare e come le onde
che entrano ed escono fuori,
i miei pensieri vanno e vengono ancora
il fatto mi accarezza e mi confonde.

Ascolto, di questa danza, ogni parola,
la chiamo e lei, quasi, mi risponde
e trastullandomi mi spinge verso un dove
che non conosco e lì mi ristora.

Mi perdo nel mare, nell’azzurro
che mi riduce piccolo e sovrasta
l’uomo che sono, debole ed imperfetto!

E come l’onda prendo forza e scorro,
diventa mare pure l’anima mia,
un mare in cerca della sua calma.